“2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi haqqında Azərbaycan Respublikası Prezidentinin Sərəncamı 2 Fevral Gənclər Günü ərəfəsində Ölkə Başçısının gəncliyə olan yüksək diqqət və qayğısının növbəti təcəssümüdür
Bu strategiya Azərbaycan gəncliyinin gələcək inkişaf perspektivlərini tamamilə aydın müəyyən edən olduqca mühüm sənəddir”.
Bu fikirləri açıqlamasında “İslahatçı Gənclər” İctimai Birliyinin sədri Fərid Şahbazlı Prezident İlham Əliyevin “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsinə dair imzaladığı sərəncamla bağlı danışarkən deyib. Fərid Şahbazlı qeyd edib ki, Azərbaycanda əsası Ulu Öndər Heydər Əliyev tərəfindən qoyulan və bu gün Prezident İlham Əliyev tərəfindən uğurla davam etdirilən dövlət gənclər siyasəti həyata keçirilir: “2015-2025-ci illərdə Azərbaycan gənclərinin İnkişaf Strategiyası” da bu siyasətin məntiqi davamıdır. Bu ölkə gəncliyinin bütün hədəf qruplarını əhatə etməklə, Azərbaycan gəncliyinin potensialını müasir dövrün tələblərinə uyğun inkişaf etdirmək, həmin potensialdan dövlətimizin mənafeləri naminə istifadə etmək, yeni nəsildə fəal vətəndaşlıq mövqeyi formalaşdırmaq məqsədi daşıyır. Strategiya gəncliyin bütün maraq və fəaliyyət dairələrini əhatə etməklə, həm önümüzdə yeni üfüqlər açır, həm də gənclər və bütövlükdə cəmiyyət qarşısında mühüm vəzifələr qoyur. Əminəm ki, bu strategiya bütün istiqamətlər üzrə Azərbaycan gəncliyinin inkişafında həlledici rol oynayacaq”.(sia.az)
pia.az