Cəliabadda yol qəzası nəticəsində ölənlərin şəxsiyyəti məlum olub
"Report" xəbər verir ki, bunlar, Ocaqlı kənd tam orta məktəbinin direktoru Mirəhməd Ağayev və Ocaqlı kənd sakini Şakir Babayevdir.
* * *
Cəlilabadda ölümlə nəticələnən ağır yol nəqliyyat hadisəsi baş verib.
APA-nın verdiyi məlumata görə, hadisə Ələt-Astara yolunun 130 km-də Qarəzəncir kəndində qeydə alınıb.
“90 ZX 573” dövlət nömrəli nişanlı yük maşını ilə BMV markalı “90 FX 557” markalı minik avtomobili toqquşub . Nəticədə bir nəfər hadisə yerində dünyasını dəyişib.
Ağır xəsarət alan digər şəxs xəstəxanaya yerləşdirilsə də, həkimlər onun həyatını xilas edə bilməyiblər.
İlkin məlumata görə, ölənlər BMW-nin sürücüsü və sərnişinidir. Yük maşınının sürücüsü və yanındakı sərnişin isə müxtəlif dərəcəli bədən xəsarətləri ilə Cəlilabad Rayon Mərkəzi Xəstəxanasına çatdırılıblar.
pia.az