“Uralvaqonzavod” Azərbaycana 50 yük vaqonu göndərib
PİA.AZ məlumatına görə, “Azərbaycan Dəmir Yolları” Qapalı Səhmdar Cəmiyyətindən Trend-ə bildiriblər ki, “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov Rusiya Federasiyasının “Uralvaqonzavod” Elmi-İstehsal Korporasiyasının nümayəndə heyəti ilə keçirdiyi görüşdə yük vaqonlarının alınması vəziyyətini araşdırılıb.
Danışıqların nəticəsi olaraq “Uralvaqonzavod”dan 2900 ədəd müxtəlif təmayüllü yük vaqonunun alınması qərara alınıb.
Bu gün 50 yarımvaqon tipli yük vaqonu Azərbaycana gətirilib. “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov yeni vaqonlara baxış keçirib.
pia.az