Canavarlar tövləyə hücum edərək xırdabuynuzlu heyvanları parçalayıblar
Hadisə Qazax rayonundakı fərdi təsərrüfatların birində baş verib. Rayon sakini Pərviz Sadiqi səhər tövləyə gedərkən heyvanlarını qan içində görüb. Canavarlar təsərrüfat sahibinin 15 baş heyvanını parçalayıb, bəzi heyvanları isə aparıblar.
Ev sahibi bildirir ki, təsərrüfatında cəmi 25 heyvan olub və yırtıcı onların hamısına hücum edib. Canavarlar tövləyə tikilinin arxa hissəsini eşərək daxil olublar.
Qazax Rayon Baytarlıq İdarəsinin əməkdaşları hadisə yerinə baxış keçiriblər. Heyvanlardan nümunələr götürülüb.
Sakinlər son vaxtlar belə halların çoxaldığını bildiriblər. (xezerxeber.az)
pia.az