Birləşmiş Millətlər Təşkilatı, Nigeriyanın şimal-şərqində Boko Haram qiyamçılarının canlı bomba kimi istifadə etdiyi uşaq sayında böyük artım olduğunu bildirib
Gununsesi.info-nun BBC-yə istinadən verdiyi məlumatda qeyd olunur ki, Birləşmiş Millətlər Təşkilatının Uşaqlara Yardım Fondunun (UNİCEF) verdiyi açıqlamaya görə, təkcə 2017-ci ildə 83 uşaq canlı bomba kimi istifadə edilib.
Bu rəqəm, 2016-cı ildəki rəqəmdən dörd dəfədən çoxdur.
Qurbanların 55-i 15 yaşınadək qızlar olub, hətta bir qızın qucağındakı körpəyə də bomba bağlanıb.
UNICEF Boko Haram-ın bu taktikasını qəddarlıq kimi təsvir edib və əlavə edib ki, bu uşaqlar cinayətkar deyil, zərərçəkmişlərdir.
BMT, həmçinin Nigeriyanın şimal-şərqində 2014-cü ildən etibarən 127 uşağın canlı bomba kimi istifadə edildiyini açıqlayıb.
İslamçı Boko Haram təşkilatı bundan əvvəl məktəbli qızları qaçırıb, oğlanları isə hərbi xidmətə məcbur edib.
Ölkənin şimal-şərqindəki münaqişələr nəticəsində 1,7 milyon insan evlərini tərk etməli olub.
Bu il bölgəyə təsir edən quraqlığa görə 450 min uşağın qidalanma şərtləri ciddi şəkildə çatışmır.
pia.az
Digərxəbərlər
Populyar xəbərlər
