Aktyor Okan Karacan ötən gün Alaçatı istiqamətində görüntülənib
Axşam.az-ın Türkiyə mətbuatına istinadən məlumatına görə, bir zamanlar 140 kiloqram olan aktyor son halı ilə təəccübləndirib.
Ötən il mədə kiçiltmə əməliyyatından sonra 80 kiloqrama düşən Okan hazırda özünü daha rahat hiss etdiyini bildirib:
“Əvvəllər ayaqqabımın bağını belə bağlaya bilmirdim. Amma əməliyyata girməyə qorxurdum. Yoldaşım hamilə idi. Dedim, uşağı qucağıma alım, sonra əməliyyat olunaram. Amma həkimlər israr etdi və dərhal əməliyyat olundum. Düzü, bu qədərini gözləmirdim. Bir ilə 60 kiloqram çəki atdım”.
Arıqladıqdan sonra həyat tərzi də dəyişən sənətçi avtomobil sürmədiyini və daha çox gəzməyə üstünlük verdiyini söyləyib.
pia.az