Azərbaycan Dövlət İqtisad Universitetində tələbələrin təqaüdləri hələ də verilməyib
PİA.AZ xəbər verir ki, bu barədə Arqument.Az-a universitetin tələbələri məlumat veriblər.
Onlar bildiriblər ki, təqaüdlərin gecikdirilməsinin səbəbi açıqlanmır.
Bundan əvvəl isə hər ayın sonu təqaüdlər vaxtı-vaxtında verilirmiş.
Azərbaycan Dillər Universitetinin tələbələri isə bildiriblər ki, bu ay təqaüdlərindən 9 AZN kəsilib. Belə ki, təqaüdləri elektron kartla alsalar da, bu dəfə 9 manat az aldıqları məlum olub. Bununla bağlı məlumat almaq istəyən tələbələrə bildiriblər ki, təqaüdlərin kəsilməsi maliyyə böhranı ilə bağlıdır.
Axşam saatları olduğu üçün sözügedən ali məktəblərlə əlaqə saxlamaq imkanımız olmadı.
Mövzunu diqqətdə saxlayacağıq və qarşı tərəfin də mövqeyini dərc edəcəyik.
pia.az