İyul ayıdan Bakı-İstanbul-Bolqarıstan reysi də fəaliyyətə başlayır
Bakıdan Bolqarıstana birbaşa avtobus reysi açılır. Dövlət Avtomobil Nəqliyyatı Xidmətindən ANS PRESS-ə verilən məlumata görə, avtobus iyul ayında Bakı avtovağzalından həftənin 2, 4 və 6-cı günləri yola düşəcək.
Reyslər Bakı-İstanbul-Sofiya, Bakı-İstanbul-Burqas və Bakı-İstanbul-Varna istiqmətində fəaliyyət göstərir. Avtobuslar saat 12:00-da yola düşür. Biletlərin qiyməti isə 130 manat təşkil edir.
Sərnişinləri daşıyan avtobuslar rahat, komfortlu olmaqla bərabər WIFI internet şəbəkəsi ilə təchiz edilib.
Yaxın vaxtlarda Bakı-Batumi reysi də fəaliyyətə başlayacaq. Reys həftənin 1, 3 və 5-ci günləri olmaqla saat 18:00-da Bakıdan yola düşəcək. Təyinat məntəqəsinə isə çatma vaxtı növbəti gün saat 09:00-dur.
Gediş qiyməti 25.00 manat təşkil edəcək.
Batumi azərbaycanlıların yay istirahətləri üçün ən çox üz tutduqları şəhərlərdəndir. Hər il yüzlərlə azərbaycanlı məzuniyyətini Qara dəniz sahilində keçirmək üçün bu şəhərə yollanır.
pia.az
Digərxəbərlər
Populyar xəbərlər
