Bakıda baş verən dəhşətli yanğın zamanı bir nəfər özünü binadan atıb
Səhiyyə Nazirliyindən Publika.az-a verilən məlumata görə, ilkin məlumata əsasən biri azyaşlı olmaqla 2 nəfər ölüb,15 nəfər xəsarət alıb.
***
Bakıda baş verən dəhşətli yanğın zamanı bir nəfər özünü binadan atıb.
"Qafqazinfo"nun hadisə yerində olan əməkdaşının verdiyi məlumata görə, 16 mərtəbəli binada baş verən yanğın zamanı bir kişi özünü səkkizinci mərtəbədən ataraq ölüb.
Qeyd edək ki, həmin şəxsin ailəsi hələ binadan çıxarılmayıb.
* * *
"Azadlıq" prospektində baş verən yanğınla bağlı nəqliyyatın hərəkəti məhdudlaşdırılıb.
Nəqliyyatı İntellektual İdarəetmə Mərkəzindən APA-ya verilən məlumata görə, sürücülərə alternativ olaraq Şövkət Məmmədova küçəsindən istifadə etmələri tövsiyə olunur.
***
Bakı Şəhər Təcili və Təxirəsalınmaz Tibbi Yardım Stansiyasının baş həkiminin müavini Oqtay Şahmalıyev isə lent.az-a açıqlamasında deyib ki, hadisə yerinə 4 təcili yardım briqadası göndərilib. Hələlik zərərçəkənlər barədə məlumat yoxdur.
* * *
Hadisə yerinə FHN-nin yanğınsöndürənləri cəlb edilib
Bakıda çoxmərtəbəli bina yanır. Lent.az-ın məlumatına görə, Binəqədi rayonu ərazisində, Azadlıq prospekti 289 ünvanında yerləşir.
Hadisə yerinə FHN-nin yanğınsöndürənləri cəlb edilib.
Məlumata görə, binanın üzlüyü alışıb. Bu barədə məlumat sosial şəbəkədə yayılıb.
pia.az