Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Bakıda zəhərli balığın satışına rəsmi icazə verilib


Marketlərdən bildirilir ki, indiyədək zəhərlənən olmayıb, həkim bunun fəsadlarından söz açır, rəsmi qurum isə laboratoriya testlərinin müsbət nəticələrinin olduğunu deyir


Bir müddətdir həm sosial şəbəkələrdə, həm peşəkar mediada Bakıda zəhərli balıqların satışı haqda məlumatlar dolaşır. 

Mağaza və supermarketlərdə panqasius adlı zəhərli hesab olunan balığın satışı ilə bağlı şikayətlər artıq ciddiləşib. Elə redaksiyamıza da bununla bağlı bir çox şikayətlər bildirilib.  

Qeyd edək ki, bu balığın satışı dünyada qadağan olunub. Səbəb sözügedən balığın tərkibində sənaye tullantılarının, mərgümüşün, toksik maddələrin olmasıdır. Panqasiusu dünyanın ən zəhərli balığı hesab etmək olar.  

Balığın zəhərli kimi qeyd olunmasının bir səbəbi də onun vətəninin Vyetnamın Mekonq çayı olmasıdır. Bu çay Yer kürəsinin ən çox çirklənən çaylarından  hesab olunur. Çünki  bura Mekonq kanalizasiya sularının, mineral gübrələrin, dəri, yaxud kimya zavodlarının tullantılarının geniş axıdıldığı yerdir. Avropada məhsulların tərkibini araşdıran qurumlar dəfələrlə balıqlara yerləşdirilən hormonların tərkibi haqda məlumat istəsələr də Vyetnam bu məlumatları verməkdən imtina edib.

Araşdırmamız nəticəsində gördük ki, Avropa və Amerikada satışı və yeyilməsi qadağan edilən bu balığa paytaxt mağazalarında rast gəlmək mümkündür. Bakı mağazalarında bu balıqlar açıq şəkildə, digər balıq növləri ilə birlikdə satılır.

Metronun “Neftçilər” stansiyası yaxınlığında yerləşən “Qarabağ” marketində bu balığı açıq şəkildə satıldığının şahidi olduq. Satıcılar bildirirlər ki, uzun zamandır panqasius satırlar. Hələ də heç bir müştəri şikayətçi  olmayıb. Balığın kiloqramı 3 manat 80 qəpik, bəzi yerlərdə isə 4 manata satılır. 

Eyni zamanda “Supermarket No1”, “Grant Mart” kimi iri supermarketlərdə də panqasius balığının satıldığının şahidi olduq. “Grant Mart”ın administrasitoru Fərhad Əfəndiyev musavat.com-a mövzu ilə bağlı açıqlamasında bildirib ki, digər balıqlar kimi panqasiusun da hər zaman satışı ilə məşğul olublar: “Bu balığın zəhərli olması ilə bağlı bizə hər hansı məlumat verilməyib. Eyni zamanda mağazamızda mütəmadi olaraq məhsulların keyfiyyətləri ilə bağlı müvafiq qurumlar tərəfindən yoxlamalar aparılır. Onlar da bizə bu məhsulun qadağan olunması ilə bağlı hər hansı irad tutmayıblar. Balıqları bizə şirkət gətirir. Həmin şirkətin  adını sizə açıqlamağa icazəm yoxdur. Ancaq əgər belə bir xəbərdarlıq olarsa ki, bu balıqların satışı dayandırılsın, biz də satmarıq. Onu da qeyd edim ki, mən artıq 5 ildən çoxdur bu mağazada administrator vəzifəsində çalışıram. Bu müddət ərzində heç bir müştəri panqasiusun zəhərli olması ilə bağlı bizə şikayət etməyib. Bundan zəhərlənənləri də eşitməmişəm. Bir daha bildirirəm ki, əgər qadağa qoyularsa və bizə bununla bağlı məlumat daxil olarsa, məhsulun satışını dayandırarıq”.

Göründüyü kimi, Bakıda iri və kiçik marketlərdə bu balıqların satışı hələ də davam etdirilir. Satıcılar isə iddia edirlər ki, bu növ balıqlardan şikayətlənənlər olmayıb. Bəs panqasiusun insan orqanizminə zərəri nə zaman özünü büruzə verir?

Tibb elmləri doktoru, professor Adil Qeybulla musavat.com-a deyib ki, istənilən qidaya hər insan orqanizmi müxtəlif cür reaksiya verə bilər: “Mədə turşuluğundan, qidanın bağırsaqlardan mədəyə sovrulmasından da çox şey asılıdır. Bəzi balıqlar var ki, onların yeyilməsi məqsədə uyğun sayılmır. İnsanlar gərək bu kimi xəbərdarlıqlara diqqət etsinlər. Toksidlərin gücündən də çox şey asılıdır. Bəzi heyvanlarda olan toksid maddələr qoruma vasitəsi kimi meydana çıxıb. Bu, uzun müddət ərzində formalaşan bir prosesdir. Müəyyən toksid maddələr orqanizmə düşdükdən sonra tədricən də reaksiya verə bilər, dərhal da. Elə zəhərlər var ki, ağız boşluğuna düşərək dərhal ölümə gətirib çıxarır. Yəni bu toksid maddələrin növündən asılı olaraq orqanizmə göstərdiyi təsir də müxtəlif olur”.

Kənd Təsərrüfatı Nazirliyi yanında Dövlət Baytarlıq Xidmətinin (DBX) mətbuat mərkəzinin rəhbəri Yolçu Xanvəlinin də fikirlərini aldıq. Y.Xanvəli musavat.com-a açıqlamasında bildirib ki, panqasius balıqları ilə bağlı lazımı yoxlamaları aparıblar: “Hər hansı bir ölkədən heyvan və heyvan mənşəli məhsul gətirilirsə, gömrük orqanlarında açılış zamanı həmin məhsullardan nümunələr götürülür. Respublika Baytarlıq Laboratoriyasında həmin nümunələr mikrobioloji, bakterioloji, kimyatoksikoloji və digər bu kimi istiqamətlərdə müayinə edilir. Əgər müayinənin nəticələri müvafiq tələblərə uyğun olarsa, insan orqanizmi üçün təhlükə yaratmazsa, həmin məhsulun satışına icazə verilir. Bundan əlavə onu da qeyd edim ki, pankasius balığı ilə bağlı bir müddət əvvəl də müzakirələr meydana çıxmışdı. O zaman biz araşdırmalar apardıq. Bununla kifayətlənməyərək, Türkiyəyə də həmin balıqlardan nümunələr göndərdik. Orada yenidən müayinələr aparıldı. Respublika Baytarlıq Laboratoriyasında alınan nəticələr, Türkiyədə də öz təsdiqini tapdı. Bu da onu göstərir ki,  gətirilən məhsulun heç bir təhlükəsi yoxdur. Buna bizim tərəfimizdən tam nəzarət olunur. İnsanların sağlam qidalanması üçün məsul orqan olaraq, biz buna cavabdehik”.

Beləliklə də dünyada qadağan edilən panqasius balıqlarının ölkədə satışına rəsmi qaydada icazə verilir. (musavat.com)

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Qədr gecəsinin əməlləri: “İmkanı olanların süfrə açması məsləhətdir” 

Ən çox oxunanalar