Azərbaycanın əməkdar jurnalisti, "Bakinskiy raboçiy" qəzetinin baş redaktoru Tatyana Çaladze hücuma məruz qalıb
Virtualaz.org vesti.az-a istinadən bildirir ki, hadisə sentyabrın 26-dan 27-ə keçən gecə baş verib. Jurnalistin dediyinə görə, Bakıdakı "London taksisi"nin sürücüsü ona hücum edib:
""Nizami" kinoteatrının qarşısındakı redaksiyamızdan çıxırdım. Taksi saxlayıb ünvanımı söylədim. Evə çatanda taksi sürücüsü kobud şəkildə məndən artıq pul tələb etməyə başladı. Həmin məbləğ nə sayğacda göstərilirdi, nə də ki üzərimdə o qədər pul yox idi. Pulu verməkdən imtina edəndə o, sükanı Suraxanı istiqamətinə çevirdi. Yol boyu mənə hədə-qorxu gəlməyə başladı.
Qapıdan çıxmaq mümkünsüz idi. Çünki qapılar bloklanmışdı. Pəncərəni sındırmaq istədim ki, yardım çağırım.
Xoşbəxtlikdən həmin vaxt yanımızdan yol patrul xidməti əməkdaşı keçirdi. Onlar taksinin salonunda nəyinsə qaydasında olmadığını hiss etdilər və sürücüyə dərhal saxlamaq göstərişi verdilər. Mənim izahatımı dinlədikdən sonra hər ikimizi Xətai rayonu, 36-cı polis bölməsinə apardılar. Orada mən ərizə yazdım".
Jurnalist xanım stressli vəziyyətə baxmayaraq, həmin taksinin dölət qeydiyyat nömrəs nişanını da yadda saxlayıb - 90 АТ 022. Xətai rayonu, 36-cı polis bölməsindən isə bildiriblər ki, hadisə ilə bağlı araşdırma aparılır.
Digərxəbərlər
Populyar xəbərlər
