Həkimlərin səyi nəticəsində yaralının həyatını xilas etmək mümkün olub
Bakının Qaradağ rayonunda qardaş bacısını bıçaqlayıb.
Gecə saatlarında 1 saylı şəhər Kliniki xəstəxanasına təcili tibbi yardımla bədənin müxtəlif nahiyələrinin kəsilmiş-deşilmiş xəsarətləri ilə 30 yaşlı Mədinə Cəbrayil qızı Sacadlı gətirilib.
Həkimlərin səyi nəticəsində yaralının həyatını xilas etmək mümkün olub.
Hadisə barədə dərhal polisə məlumat verilib. Araşdırmalar nəticəsində məlum olub ki, qadına qardaşı tərəfindən bıçaq xəsarəti yetirilib.
Belə ki, yaşadıqlari Ələt qəsəbəsi ərazisindəki evdə qardaş bacısından yemək istəyib. Bacısının gətirdiyi yemək qardaşın xoşuna gəlməyəndə onlar arasında mübahisə yaranıb və qardaş stolun üstündən götürdüyü mətbəxt bıçağı ilə bacısına müxtəlif dərəcəli bədən xəsarətləri yetirib.
Əldə etdiyimiz məlumata görə, Mədinə Sacadlı ilə qardaşı müxtəlif vaxtlarda məhkumluq həyatı yaşayıblar.
Faktla bağlı Qaradağ rayon polis idarəsində araşdırmalar aparılır. Hadisə zamanı bacısını bıçaqlayan qardaşın şəxsiyyəti dəqiqləşirilir. (ans)
pia.az