.jpg&w=750&h=400&sc=1&q=100)
Xilasedicilər onunla psixoloji söhbət aparıblar
Bakıda intihar məqsədi ilə körpüyə çıxan 62 yaşlı Yusif Abbasov Fövqəladə Hallar Nazirliyinin xilasedicilərinin səyi nəticəsində ölümdən xilas olunub. ANS PRESS-in hadisə yerində olan müxbirinin verdiyi məlumata görə, Yusif Abbasov psixoloji danışıqlardan sonra intihar fikrindən əl çəkib. Onu xilasedicilər körpüdən düşürüblər. Əlindəki yanacaq dolu qab götürülüb.
Yusif Abbasova ilkin tibbi yardım göstərildikdən sonra ifadəsi alınmaq üçün polisə aparılıb.
Qeyd edək ki, bir saat əvvəl 62 yaşlı Yusif Abbasov “Koroğlu” metrosuna yaxın ərazidə, Böyükşor körpüsünün üstünə çıxaraq intihar etmək istəyib. Yusif Abbasov özünü yandıracağını bildirib.
Y.Abbasov günahsız yerə 14 il həbsdə yatdığını və azadlığa çıxandan sonra ona qarşı başlanmış cinayət işinin yenilənməsinə etiraz olaraq bu addımı atdığını qeyd edib.
Bundan başqa, Yusif Abbasov maddi durumunun çox aşağı olmasından da şikayətlənib.
Fotolar
Digərxəbərlər
Populyar xəbərlər
