Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Bakıda həbs olunan avtoritet azadlığa buraxıldı


Bu il aprelin 25-də Sabunçu rayonunda vağzal ərazisində fəaliyyət göstərən kafelərdən birində Baş Mütəşəkkil Cinayətkarlıqla Mübarizə İdarəsi və Sabunçu Rayon Polis İdarəsinin əməkdaşları tərəfindən keçirilən əməliyyat zamanı kriminal aləmə yaxınlığı ilə bilinən şəxslər həbs edilmişdilər


Əməliyyatlar eyni zamanda Bakının bir neçə rayonunda da baş tutub. Əməliyyatlar zamanı kriminal aləmlə yaxın əlaqələri olan 30-dan çox şəxs həbs edilib.

Əməliyyatların davamı olaraq aprel ayının 27-də Sabunçu rayonunda daha 3 nəfər həbs edilib. Həbs olunanlardan biri Sultan İsayev idi. 

PİA.AZ criminal.az-a istinadən xəbər verir ki, S.İsayev bir neçə gün əvvəl azadlığıa buraxılıb.

S.İsayev bir müddət əvvəl Bakıda məşhur gecə klublarından birində dava zamanı O.İsayevlə birlikdə tutulmuşdu.

Sözügedən əməliyyat zamanı həbs olunan `Dana Vüqar` ləqəbi ilə tanınan Vüqar Ağayev, `Lotu Qulu`nun adamı, `Pepi` ləqəbi ilə tanınan Pərviz və `Qusik` kimi məşhur olan Hüseynin məhkəməsi isə hazırda davam etdirilir.

Xatırladaq ki, əməliyyatların başlama səbəbi kimi Səbail rayonu Badamdar qəsəbəsində "Bulaq" restoranında baş verən silahlı qarşıdurma göstərilir. Restoranda baş verən silahlı insidentə görə 3 nəfər həbs edilib. Həmin şəxslərin Rövşən Lənkəranski ilə "Lotu Quli"nin adamları olduğu bildirilir. Məlumata görə, silahlı insidentə səbəb tərəflər arasında "hesablaşma" olub. Hadisənin araşdırılmasından sonra hüquq-mühafizə orqanları hər iki tərəfin tərəfdarlarına qarşı genişmiqyaslı əməliyyatlara başlayıb. Sabunçu vağzalında kafedə baş tutan əməliyyat zamanı həbs edilənlər "Lotu Quli"nin adamları olub.

Onlara liderlik edən isə Namiq İbayev olub. Əməliyyat baş tutmazdan bir neçə saat əvvəl Namiq İbayevin qardaşı Rəsul İbayev həbs edilibmiş. Rəsul İbayevin həbsindən sonra qardaşı Namiq İbayev və onun ətrafında olan şəxslər kafeyə toplaşaraq məlum hadisə ilə bağlı danışırmışlar. Bu zaman Baş Mütəşəkkil Cinayətkarlıqla Mübarizə İdarəsi və Sabunçu Rayon Polis İdarəsinin əməkdaşları kafedə əməliyyat keçiriblər. Namiq İbayev və 10-a yaxın şəxs həbs edilib, bir neçə nəfər hadisə yerindən qaçıb. N.İbayevin "Mercedes" markalı avtomobilindən "Makarov" tapançası və narkotik maddə olan heroin götürüldüyü bildirilir. Həmçinin əməliyyat zamanı N.İbayevin atası da həbs edilib.

N.İbayev həbsdə olan kriminal aləmin nüfuzlu şəxslərinə iş adamlarından və başqa şəxslərdən xərac toplayaraq onlara çatdırırmış. N.İbayevin digər qardaşı isə hüquq-mühafizə orqanlarından qaçaraq gizlənib. Hazırda onun axtarışı davam edir. N.İbayevin "Batya" ləqəbi ilə tanınan bu qardaşı da kriminal aləmlə yaxın münasibətlərdə olub və bir neçə dəfə məhkumluq həyatı yaşayıb. Sabunçu rayonunda həbs edilənlərdən biri də Raqib adlı şəxs olub. Rövşən Lənkəranskinin Bakıdakı adamı kimi tanınan Şirxan adlı şəxs də Sabunçu rayonunda həbs edilənlər arasındadır. 

pia.az  


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Şəkidə 26 yaşlı gənc sirkə turşusundan zəhərlənib

Aygün Kazımova ilə Namiq yenidən məşhur dueti oxudu - Video

Ən çox oxunanalar