Bakıda banklardan birindən oğurluğa cəhd göstərən şəxs tutulub
“Report” xəbər verir ki, bu barədə Daxili İşlər Nazirliyinin (DİN) rəsmi saytı məlumat yayıb.
Məlumata görə, fevralın 11-də saat 23 radələrində Binəqədi rayonunun Ş.Məmmədova küçəsindəki “Dəmir Bank” ASC-dən Baş Mühafizə İdarəsinə həyəcan siqnalı daxil olub. Dərhal hadisə yerinə gələn Binəqədi Rayon Mühafizə İdarəsi əməkdaşları oradan oğurluğa cəhd göstərən paytaxt sakini Elxan Məsimov saxlayıb və 5-ci Polis Bölməsinə təhvil verib.
Faktla bağlı araşdırma aparılır.
pia.az