Bakıda bədbəxt hadisə nəticəsində xəsarət alan uşağın kimliyi məlum olub
Sabunçu Rayon Polis İdarəsindən APA-ya verilən məlumata görə, hadisə Maştağa qəsəbəsində, 11 saylı Xüsusi internat məktəbin qarşısında qeydə alınıb.
Bakı şəhər sakini, 2003-cü il təvəllüdlü Ağarza Əlihəsən oğlu Məmmədov sahibi məlum olmayan atı minmək istəyərkən at onu vurub.
* * * *
3 saylı Şəhər Klinik Xəstəxanasından APA-ya verilən məlumata görə, bu gün saat 16.50 radələrində Maştağa qəsəbəsindən şəxsiyyəti məlum olmayan 8-10 yaşlarında oğlan uşağı bədən xəsarətləri ilə xəstəxananın reanimasiya şöbəsinə yerləşdirilib, vəziyyəti ağırdır.
Hadisə şahidlərinin bildirdiyinə görə, Maştağa qəsəbəsində yolun kənarı ilə hərəkət edən uşağı at vurub.