Ağır Cinayətlərə dair İşlər üzrə Məhkəmədə bu gün Azərbaycan vətəndaşları Firdovsi Yusifov ilə Taleh Sultanovun işi üzrə hazırlıq iclası keçirilib
PİA.AZ-ın ans press-ə istinadən xəbərinə görə, istintaq materiallarında göstərilir ki, müttəhimlər Pakistanda terrorçuların tərəfində hökumət qoşunlarına qarşı döyüşüblər. Sonradan Suriyaya keçiblər. Burada İŞİD-ə qoşulub, döyüşlərdə iştirak ediblər. Onlar 2013-cü ilin avqustunda İran ərazisinə qanunsuz keçərkən saxlanılıb, 2014-cü il aprelin 24-də Azərbaycan tərəfinə təhvil veriliblər. T.Sultanovun həyat yoldaşı və qaynanası da Suriyaya gedib və indiyədək qayıtmayıblar.
Müttəhimlər ittiham üzrə özlərinin təqsirli saymadıqlarını bildiriblər. Məhkəmə prosesi martın 6-da davam edəcək.
Xatırladaq ki, bundan əvvəl Azərbaycanın Milli Təhlükəsizlik Nazirliyi Suriyada və Pakistanda hərbi əməliyyatlarda iştiraka görə 26 nəfərin həbs olunduğunu açıqlayıb.
pia.az