Ötən gün Bakı Sosial Pedaqoji Kollecinin tələbəsinin başına şkaf aşıb
Bu barədə oxucular ANS PRESS-in “qaynar xətti”nə məlumat veriblər. Verilən məlumata görə, kollecin tələbəsi dərs zamanı xəsarət alıb. Onun başına şkaf aşıb. Qız ağır vəziyyətdə özəl kinikalardan birinə yerləşdirilib.
Hadisəni dəqiqləşdirmək üçün Bakı Sosial Pedaqoji Kollecilə əlaqə saxladıq. Kollecin tədris işləri üzrə direktor müavini Mətanət Mirzəyeva açıqlamasında hadisənin dünən saat 17:30-da baş verdiyini bildirdi. Onun sözlərinə görə, əslində hadisə barədə məlumat verilərkən şişildilib.
“Kolecin II kurs tələbəsi, 1998-ci il təvəlüldlü M.M. dünən dərsdə olarkən üztünə şkaf aşıb. Qız şkafa tədris vasitələrini yağarkən şkaf ağırlığa tab gətirməyərək aşıb. Şkafın 6 qapısı da açıq olduğu üçün tarazlıq pozuub. M.M. ayağından xəsarət alıb. Hazırda evdədir. Heç bir problemi yoxdur”, - deyə Mətanət Mirzəyeva bildirib.
Xəsarət alan tələbə ilə əlaqə saxlamaq istədik. Lakin M.M. hadisə ilə bağlı açıqlama vermək istəmədi: “Mən bu barədə açıqlama vermək istəmirəm”.