Türkiyədə səfərdə olan Azərbaycanın media nümayəndələri iyulun 4-də Füzulinin Alıxanlı kəndində qətlə yetirilən Zəhra Quliyeva ilə bağlı məlumatları xarici jurnalistlərə çatdırıblar
Yenicag.az-ın xəbərinə görə, Azərbaycanın Türkiyədəki səfirliyinin hazırladığı Z. Quliyevanın şəkli olan posterlər xarici media nümayəndələrinə paylanılıb, hadisə ilə bağlı məlumat verilib.
Onlar baş verənləri “insanlıq əleyhinə cinayət” adlandırıblar. Məlumatlandırma aksiyası Yenicag.az Analitik İnternet Qəzeti, “Report” İnformasiya Agentliyi və Avropa.info saytının təşəbbüsü ilə baş tutub.
Xatırladaq ki, iyulun 4-də Ermənistan silahlı qüvvələri tərəfindən Füzuli rayonunun Alxanlı kəndi 82 və 120 millimetrlik minaatanlardan və dəzgahlı qumbaraatanlardan atəşə tutulub.
Ermənistan tərəfinin bu təxribatı nəticəsində kənd sakinləri 1967-ci il təvəllüdlü Allahverdiyeva Sahibə İdris qızı və 2015-ci il təvəllüdlü Quliyeva Zəhra Elnur qızı həlak olublar. Atəş nəticəsində qəlpə yarası alan 1965-ci il təvəllüdlü Quliyeva Sərvinaz İltifat qızı xəstəxanaya çatdırılaraq əməliyyat olunub.
Qeyd edək ki, 2016-cı il iyulun 15-də Türkiyədə baş verən dövlət çevrilişinə cəhddən 1 il ötür. Bu məqsədlə Türkiyə hökumətinin dəvəti ilə dünyanın 4 tərəfindən 350-ə yaxın jurnalist bu ölkədə səfərdədir.
pia.az
Digərxəbərlər
Populyar xəbərlər
