Azərbaycanlı idmançı Cabbar Mustafayev dünya çempionu olub
Muay Tay döyüş növünün WMF növü üzrə Tailandda keçirilən dünya çempionatında Cabbar 4 görüş keçirib.
“Qafqazinfo” xəbər verir ki, Mustafayev 63.5 kq çəki dərəcəsində ilk görüşünü Braziliyalı ilə qarşılaşıb.. Rəqibinə qalib gələn Cabbar ¼ finalda filippinli rəqibini də məğlub edib.
Yarımfinalda isə Cabbarın rəqibi Bolqar Muay Tayçı olub. Rəqibinə 3:0 hesabıyla qalib gələn təmsilçimiz finala vəsiqə qazanıb. Finalda isə onun rəqibi güclü rüsiyalı döyüşcüyə qalib gələn əfqanıstanlı Muay Tayçı olub.
Cabbar finalda da qalib gələrək bu Muay Tayda bu versiya üzrə ilk dəfə ölkəmizə dünya çempionluğu qazandırıb. Artıq vətənə dönən Cabbar bu barədə saytımıza açıqlama verib:
“Tailanda getməmişdən əvvəl bu çempionata çox ciddi hazırlaşmışdım. Hazırlıq prosesində şəxsi müəllimim olan Azər Həsənsoya, mənim üzərimdə zəhməti olan Maqsud Allahverdiyev və millimizin baş məşqçisi Şəhriyar İsayev mənə çox kömək oldular. Hər birinə dərin təşəkkürümü bildirirəm.
Məni səfərə aparan Azərbaycan Muay Tay Federasiyasının prezidenti və şəxsi məşqçim olan Azər Həsənsoya da dərin təşəkkürümü bildirirəm ki, bu imkanı mənə yaratdı. İnanın, ümidim vardı, amma tam olaraq inanmırdım. Şükürlər olsun ki, bu arzuma çatdım, özümün, müəllimlərimin, federasiyanın zəhməti yerdə qalmadı. Dünya çempionu olmağımda mənə dəstək olan hər kəsə minnətdaram.
Xüsusən də komanda və məşq yoldaşım Alid Məmmədzadəyə də. O da Super Muay Tay Liqasında iştirak etdiyi üçün Tailanda idi. Mənə çox dəstək oldu. İnşallah bundan sonra da maksimum dərəcədə çalışıb daha böyük uğurlar qazanacam. Allaha min şükürlər olsun ki, zəhmətim bəhrəsiz qalmadı”.
pia.az
Digərxəbərlər
Populyar xəbərlər
