Bir çox ixtiraları ilə tanınan Bakı sakini yeni qurğu ixtira edib. Tahir Əliyev iddia edir ki, onun yeni qurğusu vasitəsi ilə prostat vəzi xərçəngindən əziyyət çəkən xəstələri tam sağaltmaq mümkün olacaq
Xezerxeber.az bildirir ki, uzun illər prostat vəzi xəstəliyindən əziyyət çəkən Tahir Əliyev yeni ixtira etdiyi qurğunu ilk dəfə elə öz üzərində sınaqdan keçirib.
Tahir Əliyevin dediyinə görə, xərçəng hüceyrələrini 50 dərəcə temperaturda məhv etmək olur. Həmin temperatur kanal vasitəsi ilə prostata ötürüldükdə digər hüceyrələr də ölə bilər. İxtira edilən yeni qurğu isə digər hüceyrələrə zərər vermədən istiliyi birbaşa xəstəliyin olduğu hissəyə ötürəcək. Bu da baş qaldıran xərçəng hüceyrələrini birdəfəlik məhv edəcək.
İxtiraçının sözləinə görə, eyni prosesi bir xəstənin üzərində 5 və ya 10 dəfə aparmaq kifayət edir ki, o həmin xəstəlikdən birdəfəlik yaxa qurtara bilsin.
Yeni ixtira ilə təkcə xərçəng xəstəliyini yox, böyrək xəstəliklərini də müalicə etmək mümkün olacaq. Bunun üçün Tahir Əliyev ixtiranı daha da təkmilləşdirəcəyini deyir.
İxtiraçı gələcəkdə başqa növ xəstəliklərin müalicəsində istifadə oluna biləcək əlavə qurğular ixtira edəcəyini də bildirib.
pia.az