Azərbaycanlı aktrisa Tunay Əliyeva Türkiyənin tanınmış serialı olan “Ölənə kadar”da rol alıb
Musavat.com saytının suallarına cavab verən aktrisa rolunun davamlı olmadığını deyib:
“İki ildir ki, İstanbulda yaşayıram. Aktrisalığın dərin sirlərini öyrənirəm, həm də burada çalışıram. “Ölənə kadar” bəyəndiyim seriallardandır. Təklif birbaşa serialın rejissorundan gəldi, sevə-sevə qəbul etdim. Obrazım davamlı olmayacaq. Ekran işində sınaq məqsədi ilə rol aldım. Sınamaq istəyirdik ki, kamera qarşısında rol almaq məndə necə alınır. Şadam ki, gözəl kollektivlə çalışdım. Mənim üçün təcrübə oldu”.
- Bilirik ki, Türkiyədə oyunçuların aldığı qonorar yüksəkdir. Aldığınız qonorar sizi qane etdi?
- Düz qeyd etdiniz. Türkiyədə aktyora yüksək məbləğdə qonorar verirlər. Aldığım qonorar məni qane etdi. Amma məbləği açıqlamaq istəmirəm.
- Türkiyədə film sektorunda fəaliyyətiniz davamlı olacaq? Hədəfləriniz nələrdir?
- Əlbəttə, davamlı olacaq. İlk addımı “Ölənə kadar” serialı ilə atdım. Öz üzərimdə daim çalışıram. Hədəfim Türkiyədə tanınmış aktrisa olmaq, baş rolları ifa etməkdir.
- Rol almaq istədiyiniz, sizin üçün xüsusilə seçilən serial var?
- Türk film və seriallarının əksəriyyətini bəyənirəm. Demək olar ki, hamısında rol almaq istəyərəm.
- Azərbaycanda da seriallar və filmlər çəkilir. Buradan təklif gəlsə, qəbul edərsiniz?
- Azərbaycanda da artıq gözəl və maraqlı ekran işləri ərsəyə gətirilir. Əlbəttə, bəyəndiyim iş olsa, rol alaram. Burada zaman faktoru da rol oynayır. Hər iki ölkədə çalışmaq çətindir. Amma ürəyimcə olan rol, kollektiv olsa, çəkilərəm.
pia.az
Digərxəbərlər
Populyar xəbərlər
