Gürcüstan üzərindən elektrik enerjisinin tranziti azalıb
APA-nın yerli bürosu Gürcüstanın elektrik enerjisi bazarı üzrə operatoruna (ESCO) istinadla xəbər verir ki, cari ilin 10 ayı ərzində ölkə üzərindən 178,48 mln. kv saat elektrik enerjisi tranzit olunub. Ötən ilin eyni dövründə isə bu göstərici 584 mln. kv saat olub.
Tranzitin həcminin aşağı düşməsi ilk növbədə Azərbaycan və Türkiyə istiqamətlərində ötürülən elektrik enerjisinin azalması ilə əlaqədardır. Bu ilin yanvar-oktyabr aylarında Gürcüstandan 2 qonşu ölkəyə ötürülmüş elektrik enerjisinin həcmi 136,24 mln. kv saat təşkil edib. 2016-cı ilin eyni dövründə isə bu göstərici 547,27 mln. kv saatdan çox olub.
Gürcüstan Azərbaycan və Türkiyə ilə yanaşı Rusiyadan Ermənistana kiçik həcmdə elektrik enerjisi tranzit edib.
pia.az