Rusiyanın Volqoqrad vilayətində yerli sakin Suriyada döyüşlərə qatıldığına görə həbs edilib
"Report" bildirir ki, istintaq məlumatına görə, Voljski şəhər sakini 2014-cü ilin əvvəlində Suriyaya gedib və ailəsini də özü ilə aparıb. O orada silahlı qruplaşmalardan birinə qatılıb və yaraqlıların nəzarət etdiyi ərazilərin qorunmasında və Suriya hökumət qoşunlarına hücumlarda fəal iştirak edib.
2014-cü ilin aprel ayında yaralanan şəxs əvvəlcə Türkiyəyə, oradan da Azərbaycana gedib. Rusiya vətəndaşı iki il sonra məhz Azərbaycan hüquq-mühafizə orqanlarının əməkdaşları tərəfindən tutularaq Rusiyaya ekstradisiya olunub.
Müttəhim ittihamları qəbul edib. Məhkəmənin hökmü ilə o, cəzasını ümumi rejimli cəzaçəkmə müəssisəsində çəkməklə 2,5 il müddətinə azadlıqdan məhrum edilib.
pia.az