Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Azərbaycanda dollarla valyuta əməliyyatlarının dəyəri artıb


2018-ci ilin I rübündə valyuta bazarının hər iki seqmentində - qeyri-nağd və nağd valyuta bazarlarında əməliyyatların dəyərinin artması müşahidə edilib


“Report” xəbər verir ki, bu barədə Azərbaycan Mərkəzi Bankının (AMB) “Pul siyasəti icmalı”nda bildirilir. 

Məlumata görə, qeyri-nağd valyuta bazarında aparılmış əməliyyatların dəyəri 4,8 mlrd. ABŞ dolları ekvivalentində olub ki, bu da ötən ilin müvafiq dövrü ilə müqayisədə 11,2% çoxdur. Dövr ərzində qeyri-nağd valyuta bazarında əməliyyatların 84%-i dollarda, 16%-i digər valyutalarda aparılıb. Ötən ilin müvafiq dövrü ilə müqayisədə dollarla valyuta əməliyyatlarının dəyəri 12,4% artıb, avro ilə əməliyyatların isə 12,1% azalıb.

Qeyri-nağd valyuta əməliyyatlarının 29%-i banklararası valyuta bazarında (BVB), 71%-i isə bankdaxili valyuta bazarında (BDVB) aparılıb. Hesabat dövründə BVB-də dövriyyə ötən ilin müvafiq dövrü ilə müqayisədə 13% artıb. BVB-də dollarla aparılmış əməliyyatların 54.3%-i bankların valyuta mövqeyinin tənzimlənməsi ilə əlaqədar olub.

Bankların nağd xarici valyutanın alqı-satqısı üzrə apardığı əməliyyatların dəyəri isə 1,4 mlrd. dollar ekvivalentində olub ki, bu da ötən ilin müvafiq dövrü ilə müqayisədə 80,3% çoxdur. Cari ilin I rübündə bankların nağd dollar alışı 594,2 mln., satışı isə 517,8 mln. məbləğində olub. Alışlar satışları 76,4 mln. dollar üstələyib. Avro ilə əməliyyatlarda isə satışların alışları 104 mln. avro üstələməsi qeydə alınıb. 

Digər valyutalar (İngilis funt sterlinqi və Rus rublu) üzrə bankların nağd alışlarının məbləği 60,7 mln. dollar ekvivalentində, nağd satışların məbləği isə 24,7 mln. dollar ekvivalentində olub. Aylar üzrə nağd dollar üzrə əməliyyatların dinamikasına nəzər yetirdikdə görərik ki, banklar yanvar və fevral aylarında alışları satışlarını, mart ayında isə satışları alışlarını üstələyib.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Bakıda “Prius”ların kütləvi satışına başlanıldı - Foto    

Məşhur avtomobil markasının Azərbaycanda istehsalına başlanıldı    

Ən çox oxunanalar