“Hazırda Azərbaycanda 1500 nəfərdən çox hemofiliya xəstəsi dispanser qeydiyyatındadır”
Bu barədə hemofiliya mövzusuna dair keçirilmiş “Dəyirmi masa” da məlumat verilib.
Bildirilib ki, bu gün dünya üzrə 400000 hemofiliyalı xəstə var, o cümlədən Azərbaycan da bu problemdən kənarda qalmayıb. Ölkədəki hemofiliyalı xəstələr üçün ən vacib müalicə vasitəsi olan VIII/IX faktor preparatları ölkəyə gətirilir. Dünyadakı hemofiliyalı xəstələrin 80%-i lazımi dərman preparatları ilə təmin olunmurlar. Azərbaycanın da daxil olduğu 20% ölkə hemofiliyalı xəstələri lazımi dərman preparatları ilə təmin edir.
Onu da qeyd edək ki, respublikada hər il 50-60 nəfərdən çox hemofiliyalı xəstədə müxtəlif böyük cərrahi əməliyyatlar həyata keçirilir.
Hemofiliya müxtəlif qanaxmalar ilə xarakterizə olunan ağır irsi qan xəstəliyidir. Xəstəliyin səbəbi qanın laxtalanma prosesində iştirak edən VIII, IX və ya fon. Villebrand faktorunun çatışmazlığıdır. Təkrar baş verən şiddətli qanaxmalar, oynaqlara və yumşaq toxumalara xəstənin hələ uşaq və gənc yaşlarında əlil və şikəst olmasına, bəzən də ölümünə səbəb olur. Lakin çoxillik təcrübələr göstərir ki, vaxtında və lazımı səviyyədə antihemofil preparatlarla aparılan müalicə, xəstələri nəinki ölüm təhlükəsindən xilas edir, hətta onlarda şikəstliyin və əlilliyin qarşısını alır.
pia.az
Digərxəbərlər
Populyar xəbərlər
