Azərbaycana gələn əcnəbilərin sayı xeyli azalıb

Dövlət Statistika Komitəsi (DSK) 2014-cü ildə Azərbaycana gələn əcnəbilər və xaricə gedən Azərbaycan vətəndaşları barədə statistikanı açıqlayıb

Ötən il Azərbaycana gələn əcnəbilərin sayı 8,4% azalıb.

"Turan" bildirir ki, bu, əsasən Rusiya vətəndaşı olan soydaşlarımızın maliyyə vəziyyətinin pisləşməsi ilə bağlıdır.

Ötən il Azərbaycana 2 mln 297,8 min əcnəbi gəlib. Bu, 2013-cü ildəkindən 211 min azdır. RF-dən Azərbaycana 843,8 min nəfər gəlib. Bu, əvvəlki ildəkindən 60 min azdır. 0,5 mln etnik azərbaycanlı yaşayan Gürcüstandan ölkəmizə 699,5 min nəfər gəlib. Bu isə 2013-cü ildəkindən 110,9 min azdır.

Cəmi RF, Gürcüstan, Türkiyə və İranın payına 1,6 mln turist düşür. Maraqlıdır ki, 2013-cü ildə turistlərdə bu ölkələrin payı 87,5% (1 862,8 min nəfər) idisə, ötən il 74% (1,6 mln) olub. Başqa sözlə, xarici turistlərin coğrafiyası başqa ölkələrin hesabına genişlənib.

DSK turist kateqoriyasına 2 159,2 min nəfəri (+1,4%) daxil edib. Bunun 670,5 mini (+3,3%) Azərbaycana biznes və işgüzar iş üçün, 709,9 min (0,6%) istirahət və əyləncəyə gəlib. Qohum və dostalrın yanına 677,1 min əcnəbi gəlib. Bu, bir il öncəkindən 0,5% çoxdur.

pia.az