“Azərbaycan və Türkiyə üçüncü ölkələrin bazarına birgə çıxmaq niyyətindədir”
Bunu Azərbaycanın kənd təsərrüfatı nazirinin müavini İlham Quliyev Azərbaycan-Türkiyə Kənd Təsərrüfatı İcra Komitəsinin bu gün Bakıda keçirilən VIII iclasında bildirib.
“Azərbaycanın Rusiya və Mərkəzi Asiya bazarlarına, Türkiyənin isə Avropa və Balkan yarımadası ölkələrinə çıxışı var. Bu məsələ bugünkü iclasda müzakirə ediləcək.
Hesab edirəm ki, iki ölkə olaraq kənd təsərrüfatı sahəsində bu istiqamətdə ciddi işlər həyata keçirməliyik”, - deyə İ.Quliyev əlavə edib.
İ.Quliyev qeyd edib ki, sabah Azərbaycan və Türkiyə iş adamlarının Bakıda iştirak edəcəyi biznes forumun keçirilməsinin məqsədi iki ölkənin birgə əməkdaşlığı, birgə müəssisələrinin yaradılması, idxal-ixrac əməliyyatlarının artırılması, habelə təcrübə mübadiləsinin aparılmasından ibarətdir.
Türkiyənin Avropa İttifaqı və Xarici Əlaqələr İdarəsinin rəisi Əli Rəcəb Nazlı bildirib ki, Azərbaycan-Türkiyə biznes-forumu mövcud ikitərəfli münasibətlərin, ticarət əlaqələrinin, habelə texniki yardım və dəstəyin daha da artmasına təkan verəcək.(virtualaz.org)
pia.az
Digərxəbərlər
Populyar xəbərlər
