Ermənistan hakimiyyəti Yerevan mağazalarının piştaxtalarında Azərbaycan almalarının genişmiqyaslı axtarış işlərini davam etdirir. “DAD Fruits Kənd Təsərrüfatı” MMC-nin almalarının Ermənistan bazarına düşməsinin rəsmi versiyası belədir: almalar Ermənistana qaçaqmalçılıq yolu ilə aparılıb
Virtualaz.org xəbər verir ki, Ermənistanın gömrük idarəsinin məlumatına görə, aprel ayında Ermənistana alma yalnız Polşadan, Rusiyadan, Ukraynadan, Gürcüstandan və İtaliyadan idxal edilib.
Bununla birlikdə, “DAD Fruits Kənd Təsərrüfatı” MMC ilə əməkdaşımızın əlaqə yaratmaq cəhdləri boşa çıxıb – şirkətin telefonları söndürülüb. DAD-ın saytında Moskvadakı partnyor kimi qeyd olunmuş “МultiFresh+” MMC-dən isə məlumat veriblər ki, artıq 1 ilə yaxındır, Azərbaycan istehsalçısı ilə əlaqələri yoxdur.
Lakin Rusiya təmsilçisi onu da əlavə edib ki, şimal qonşumuzun mağazalarında DAD məıhsulları satılır, deməli, Azərbaycan şirkəti ilə Rusiyada hansısa qurum partnyorluq edir.
Öz növbəsində, DAD-ın Sankt-Peterburqdakı partnyor şirkətinin rəhbəri Vitali Zuyev bildirib ki, Azərbaycan almaları Ermənistana istənilən həcmdə ən müxtəlif kanallarla aparıla bilər. “Biz Azərbaycandan aldığımız malı topdan Ruisiya şirkətlərinə satırıq. Onlar isə aldıqları malı istənilən ölkəyə leqal və qeyri-leqal yollarla aparıb sata bilərlər”, - Zuyev deyib.
Onn fikrincə, Ermənistan hakimiyyətinin almaların naməlum yollarla ölkəyə daxil olması haqda dedikləri cəfəngiyyatdır. “Belə bir variant mümkündür: şirkət ölkəyə beş maşın mal gətirir, lakin onlardan yalnız biri gömrük nəzarətindən keçirilir”, - rusiyalı ekspert bildirib.
Gürcüstanlı ekspert Nikoloz Nanuaşvili bu həcmə almanın sərhəddən qaçaqmalçılıq yolu ilə keçirilməsi real deyil.
pia.az