“Jurnalistlərin xidməti danılmaz və əvəzsizdir”
Bu gün ölkəmizdə Milli Mətbuatımızın 139-cu ildönümü qeyd edilir
Gün.Az xəbər verir ki, gənclər və idman naziri Azad Rəhimov jurnalistləri təbrik etdiyi məktubda qeyd edib ki, bu gün böyük mütəfəkkir Həsən bəy Zərdabinin 1875-ci ildə Azərbaycan mətbuat səmasına buraxdığı ilk qaranquşun – “Əkinçi” qəzetinin doğum tarixi, jurnalistlərin qələminin ad günüdür.
Nazir bildirib ki, bu gün Azərbaycanda Zərdabi ənələrini ləyaqətlə davam etdirən qələm sahibləri var:
“Gənclər və İdman Nazirliyi ilə daim əlaqəli fəaliyyətiniz hər zaman qurumumuz tərəfindən təqdirəlayiq qiymətləndirilib. İstər gənclər, istərsə də idman sahəsində baş verən yeniliklərin ictimaiyyətə çatdırılmasında sizin xidmətləriniz danılmaz və əvəzsizdir.
Sizə məsiliyyətli və önəmli işinizdə uğurlar, həyatda can sağlığı arzu edirəm. Milli Mətbuat gününüz mübarək!”, - deyə Azad Rəhimov vurğulayıb.