“Amnesty İnternational ” təşkilatı hüquq müdafiəçisi Leyla Yunusun həbsi ilə bağlı bəyanat yayıb
Bəyanatda Azərbaycanda insan hüquqları ilə bağlı vəziyyətin dərin sarsıntılara qərq olduğu vurğulanıb.
Bəyanatda deyilir ki, Azərbaycan Avropa Şurasının üzvü olaraq götürdüyü öhdəliklərə baxmayaraq hüquq müdafiəçilərinə qarşı aramsız təzyiqlərdə israrlıdır. “Amnesty İnternational ” xatırladır ki, hazırda Azərbaycan Avropa Şurasının Nazirlər Komitəsinə sədrlik edir.
Bəyanatda Leyla Yunusun həyat yoldaş Arif Yunusun hüquq-mühafizə orqanları tərəfindən saxlanılması və ona ölkədən çıxmağın yasaq edilməsi də qeyd olunub.
“Amnesty International ” əminliklə bildirir ki, Leyla Yunusun vətənə xəyanət maddəsi ilə ittiham olunması onun hüquq müdafiəçisi kimi fəaliyyəti ilə bağlıdır.