Ləğv edilmiş MTN-nin generalı Akif Çovdarov və digər 3 nəfərin cinayət işi üzrə məhkəmə prosesi keçirilir
Musavat.com xəbər verir ki, hazırda Sabunçu Rayon Məhkəməsində davam edən proses yenə də jurnalistlərin iştirakı olmadan keçirilir.
Məhkəmə prosesinin qapalı olması ilə bağlı qərar verilməsə də jurnalistlərin iştirakına yaradılan problemin səbəbi göstərilir.
Saat 11:00-a təyin edilimiş prosesdə hazırda prokuror ittiham aktını elan edir.
Sonuncu prosesdə ittiham aktının elan olunması yarıda dayandırılmışdı.
Bildirək ki, Akif Çovdarov 3 vəkillə müdafiə olunur.
Bildirək ki, A.Çovdarovla birlikdə müttəhimlər kürsüsünə ləğv edilmiş MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanov da çıxarılıb.
Çovdarov və digər 3 nəfərin cinayət işinə Sabunçu Rayon Məhkəməsinin inzibati binasında Bakı Hərbi Məhkəməsinin sədri Həbib Həsənovun sədrliyi, hakimlər Elbəy Allahverdiyev və Müslüm Əliyevin iştirakı ilə baxılır.
***
Akif Çovdarov və digərlərinin cinayət işi üzrə məhkəmə prosesi davam etdirilir.
Musavat.com xəbər verir ki, məhkəmə prosesində prokuror ittiham aktını elan edib.
Prokuror çıxışını başa çatdırdıqdan sonra Akif Çovdarovdan və digərlərindən ittiham üzrə özlərini təqsirli bilib-bilmədiklərini soruşub.
Akif Çovdarov və digərləri özlərini təqsirli bilmədiklərini deyiblər.
Məhkəmədə fasilə elan olunub.
pia.az