Suriyada daha bir azərbaycanlı öldürülüb. İŞİD silahlı terror qruplaşması tərkibində vuruşan 1985-ci il təvəllüdlü Fikrət Əliyev bir neçə gün əvvəl öldürülüb
Musavat.com-un əldə etdiyi məlumata görə, Bakıda doğulan və Zirə qəsəbəsində yaşayan Fikrət Əliyev 3-4 ay əvvəl ailəsini ataraq Suriyaya getmişdi. F.Əliyev Suriyaya getməmişdən əvvəl ikinci dəfə də ailə həyatı qurub. Onun ikinci dəfə ailə həyatı qurduğu xanımı da hazırda Suriyadadır. Azərbaycanda isə birinci xanımından olan 3 övladı qalıb.
Xatırladaq ki, Suriyaya gedərək müxtəlif silahlı qruplaşmalara qoşulan azərbaycanlıların sayı gün keçdikcə artır. Əvvəllər ölən azərbaycanlıların şəkilləri qruplaşmaların digər üzvləri tərəfindən sosial şəbəkələrdə paylaşılırdı. Son zamanlar isə bu olmur. Əsas səbəb olaraq isə meyitlərin döyüş gedən ərazilərdən çıxarıla bilməməsidir.
Onu da qeyd edək ki, son zamanlar Suriyaya döyüşməyə gedən radikallar hansısa yollarla Azərbaycana qayıdırlar.
Milli Təhlükəsizlik Nazirliyi tərəfindən həyata keçirilmiş sonuncu əməliyyat-axtarış tədbirləri nəticəsində Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə, habelə tərbiyə etmək vəzifəsini daşıyan şəxs kimi yetkinlik yaşına çatmayan şəxsi ağır cinayətin törədilməsinə cəlb etmə və başqa hüquqazidd əməllərinin törədilməsinə görə ümumilikdə 26 nəfər saxlanıb.
pia.az
Digərxəbərlər
Populyar xəbərlər
