Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Ağıllı cihazlar üçün zərərli proqramların sayı iki dəfə artıb - “Kaspersky Lab”


Əşyaların interneti cihazlarına zərərli proqramlar tərəfindən hücumların sayı 7 mini keçib və onların yarısından çoxu məhz 2017-ci ilin ilk altı ayında yaranıb


Lent.az-ın xəbərinə görə, bu statistik göstəricilər “Kasperski Lab” şirkətinin mütəxəssisləri tərəfindən hazırlanan məqalədə əksini tapıb.
 
Şirkətin analitikləri qeyd edib ki, hazırda dünyada 6 milyarddan çox cihaz internetə qoşulub və insanlar ciddi təhlükələrə məruz qalır. Cinayətkarlar ağıllı cihazların sistemlərini qırmaqla istifadəçiləri izləyə bilir, onları şantaj edir və hər hansı bir cinayət törətmək üçün onların cihazlarından bir vasitə kimi yararlanır.
 
“Kaspersky Lab” şirkətinin mütəxəssisləri eksperiment aparıb və müxtəlif ağıllı cihazları təqlid edən tələ (hanipotlar) qurublar. Ekspertlər onlara ilk icazəsiz qoşulmanı artıq bir neçə saniyə ərzində aşkarlayıblar. Bir sutka ərzində artıq on minlərlə müraciət qeydə alınır. Ekspertlərin hücumlarla bağlı nəzarət etdiyi cihazların 63%-dən çoxu İP kameralar, 16%-i isə müxtəlif şəbəkə cihazları və ruterlər olub. Daha 1% Wi-Fi retranslyatorlar, TV, İP telefon cihazları, Tor çıxış düyünləri, printerlər və “ağıllı ev” cihazlarının payına düşüb. Digər 20% cihazı isə birmənalı olaraq təyin etmək mümkün olmayıb.
 
Cihazların coğrafi yerləşməsinə gəldikdə, ekspertlərin hanipotlara edilən hücumlardan aşkar edilən İP ünvanlara əsasən, bu mənzərənin şahidi oluruq: ilk üç sıranı Çin (14%), Vyetnam (12%) və Rusiya (7%) tutub.
 
Bu cür hücumların sayının artmasının səbəbi sadədir: hazırkı dövrdə əşyaların interneti, demək olar ki, kiberhücumlardan müdafiə olunmur. Cihazların böyük əksəriyyəti “Linux” əməliyyat sistemi üzərində çalışır ki, bu da cinayətkarların işini asanlaşdırır: onlar böyük miqdarda cihaza təsir edə biləcək sadəcə bir zərərli proqram yarada bilərlər. Bundan başqa, əşyaların interneti cihazlarının böyük qismində müdafiə həlləri mövcud deyil, istehsalçılar isə nadir hallarda təhlükəsizlik yenilənmələrini edirlər.
 
“Ağıllı cihazların təhlükəsizliyi çox ciddi məsələdir, bu haqda hər kəs düşünməlidir. Ötən il onu göstərdi ki, bu, mümkün təhlükə deyil, real təhlükədir. Son zamanlar əşyaların interneti cihazları üçün hazırlanmış zərərli proqramların sayı sürətlə artıb, lakin bu, hələ də maksimum deyil. Daha bir yüksəliş nöqtəsi DdoS-hücumları bazarı ola bilər. Burada yüksək rəqabət cinayətkarları daha güclü hücumlar etməyə kömək edəcək yeni resurslar axtarışına çıxmağa məcbur edir. “Mirai” botneti göstərdi ki, bu cür resurslar rolunda artıq sayı milyardlarla olan ağıllı cihazlar çıxış edə bilərlər, 2020-ci ilə isə müxtəlif şirkətlərin analitikləri bu cihazların sayında 20 milyarddan 50 milyardadək artım proqnozlaşdırırlar”, - deyə “Kaspersky Lab” şirkətinin kibertəhlükəsizlik üzrə eksperti Vladimir Kuskov bildirib.
 
Əşyaların interneti cihazlarına edilən hücumlar, eyni zamanda cihazlarınızı viruslardan qorumaq yolları barədə daha ətraflı: https://securelist.ru/honeypots-and-the-internet-of-things/30874/.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Şəkidə 26 yaşlı gənc sirkə turşusundan zəhərlənib

Aygün Kazımova ilə Namiq yenidən məşhur dueti oxudu - Video

Ən çox oxunanalar