“ATƏT-in Parlament Assambleyasının növbəti sessiyası Bakıda keçiriləcək. Bu qərarın qəbul edilməsinə görə Azərbaycan hökuməti və parlamentinə minnətdarlığımı bildirirəm”.
PİA.AZ AzərTAc-a istinadən xəbər verir ki, Monteneqro parlamentinin sədri, ATƏT Parlament Assambleyasının prezidenti Ranko Krivokapiç belə deyib.
Aprelin 15-də Bakıya səfərə gələn qonaq jurnalistlərə müsahibəsində bildirib ki, dünyanın ən böyük parlament assambleyalarından olan ATƏT Parlament Assambleyasının sessiyası Azərbaycan üçün əlamətdar hadisə olacaq. Ranko Krivokapiç əlavə edib ki, səfər həm də Monteneqro və Azərbaycan arasında yüksək səviyyədə olan siyasi və iqtisadi əlaqələri genişləndirmək məqsədi daşıyır.
Əvvəlcədən xəbər verdiyimiz kimi, Assambleya prezidentinin ölkədə bir sıra görüşlər keçirməsi nəzərdə tutulur.