Avropa Şurası Parlament Assambleyasının (AŞPA) yay sessiyasının gündəliyi açıqlanıb
Bu barədə AŞPA-nın mətbuat xidməti məlumat yayıb.
Bildirilir ki, sessiya iyunun 25-dən 29-dək Fransanın Strasburq şəhərində keçiriləcək.
Yay sessiyasında AŞPA-ya yeni prezident seçilməsi nəzərdə tutulub.
Qeyd edək ki, AŞPA-nın hazırkı prezidenti Mikele Nikoletti bu ilin yanvarında seçilmişdi.
Bundan əlavə, iyunun 25-də AŞPA-nın Azərbaycanda keçirilmiş prezident seçkilərini izləmiş müşahidə missiyasının rəhbəri Viorel Rikard Badea hesabatını təqdim edəcək.
Sessiyada həmçinin Sezar Florin Predanın əvəzinə AŞPA Monitorinq Komitəsinin Azərbaycan üzrə yeni həmməruzəçisinin seçilməsi ilə bağlı müzakirələr aparılacaq.
AŞPA deputatları miqrasiya, miqrasiya siyasəti, qonşu ölkələrdə qaçqınların humanitar vəziyyəti və digər məsələləri də müzakirə edəcəklər.
pia.az