“AGP təşkilatın adından istifadə edərək beynəlxalq hüquq normalarına və AGP-nin prinsip və ideyalarına zidd heç bir tədbirin keçirilməsinə icazə verməyəcək”
Bunu Avropa Gənclər Parlamentinin (ACP) Azərbaycan nümayəndəliyinin İdarə Heyətinin üzvü Tayfun Qüdrətli AGP Ermənistan nümayəndəliyiin “Artsax Respublikasında Təhsil Səyahəti (STAR)” adlı yeni layihəyə start verməsinə münasibət bildirərkən deyib.
O, qeyd edib ki, bu layihənin Avropa Gənclər Parlamentinin Baş ofisi ilə heç bir əlaqəsi yoxdur və AGP Ermənistan nümayəndəliyinin şəxsi təşəbbüsüdür: “Bununla bağlı AGP-nin Baş ofisinə nümayəndəliyimiz tərəfindən məktub yollanıb”.
Qeyd edək ki, AGP Ermənistan nümayəndəliyi beynəlxalq hüquq normalarını kobud şəkildə pozaraq Azərbaycanın işğal edilmiş ərazilərinə qanunsuz səfərlər təşkil etmək məqsədi ilə “Artsax Respublikasında Təhsil Səyahəti (STAR)” adlı yeni layihəyə start verdiyini elan edib və bu barədə məlumat AGP-in saytında yerləşdirilib.
Belə ki, qurumun Ermənistan təşkilatının məzunlar bölməsi 22-26 avqust 2015-ci il tarixlərində “Artsax Respublikasında Təhsil Səyahəti” layihəsini həyata keçirir və layihəyə dünyanın müxtəlif ölkələrindən 100-dən çox iştirakçı qatılacaq. Layihə çərçivəsində iştirakçıların parlament binasına səfəri, “Artsax Respublikası”nın “baş naziri” və “xarici işlər naziri” ilə görüşü planlaşdırılır.
pia.az