ABŞ Konqresinin nümayəndələr Palatasının əksəriyyəti iyulun 25-də Rusiya, İran və Şimali Koreyaya qarşı yeni sanksiyaların tətbiq edilməsini nəzərdə tutan qanun layihəsinin lehinə səs verib. Bu barədə Reuters məlumat yayıb.
Bu qərarı həm ABŞ prezidenti Donald Trampın rəhbərlik etdiyi partiyanın üzvləri, həm də demokratlar fəal şəkildə dəstəkləyiblər. Sonra sənəd Senatda baxışa çıxarılacaq, daha sonra imza üçün prezidentə təqdim ediləcək.
Qanun layihəsi böyük səs çoxluğu ilə qəbul edilb. 419 səsdən yalnız 3-ü əleyhinə olub. Layihənin qəbulunda Respublikaçıarla birlikdə Demokratların nümayəndələri də fəaalıq nümayiş etdiriblər.
Nümayəndələr Palatasının təsdiqindən sonra sənəd Senata, daha sonra isə imzalanması üçün dövlət başçısına göndəriləcək. Ağ Evin mətbuat katibinə görə, Donald Tramp Moskvaya qarşı sərt yanaşmanı dəstəkləyir, “lakin amerikalılar “ən yaxşı razılaşmaya” əmin olmaq istəyir”. Ağ evdən həmçinin bəyan ediblər ki, prezident bu sənədi imzalamaq barədə hələ qərar verməyib. Bundan başqa, sanksiyalar paketini yenidən nəzərdən keçirmək tələbi ilə ABŞ-ın iri biznes nümayəndələri də çıxış etmişdilər.
Lakin, bu razılaşmadan Rusiya ilə böyük layihələrdə iştirak edən Avropa şirkətlərinin ziyan görmək ehtimalı var. Çünki, ABŞ-ın sanksiyaları bu şirkətləri milyardlarla avro itirmək riski altında qoyur. Yeni sanksiyalar Avropada tənqid atəşinə tutulub. Həmçinin məlum olub ki, Avropa İttifaqı Moskvaya qarşı tətbiq edilən yeni sanksiyalara cavab verə bilər. Əsasən də Aİ Amerika şirkətlərinin Avropa banklarında kreditlərə çıxışını məhdudlaşdıra bilər.
Yeni sanksiyalar 2014-ci ilin əvvəlindən bəri qəbul edilmiş ən irimiqyaslı məhdudiyyət ola bilər. Sənədin, xüsusilə, Rusiyanın “Şimal axını – 2” layihəsinə qarşı olduğu bildirir.
Qanun layihəsi sanksiyaların ləğv edilməsinə dair prezidentin səlahiyyətlərinin məhdudlaşdırılmasını və bu məsələlərdə son sözün konqresə məxsus olmasını nəzərdə tutur.
pia.az
Digərxəbərlər
Populyar xəbərlər
