Alabama hökuməti 83 yaşlı Uolter Mudi barəsində verilən ölüm hökmünü icra edib
AZƏRTAC xarici KİV-lərə istinadla xəbər verir ki, hökm öldürücü inyeksiya vasitəsilə icra olunub. O, ABŞ-da ölüm hökmləri ilə bağlı 1970-ci ildə qəbul olunan yeni qanunlardan bəri edam edilən ən yaşlı məhbusdur.
Qeyd edək ki, Uolter Mudi 1989-cu ildə federal hakim Robert Vensin qətlində günahkar bilinib. Cani hakimə poçt vasitəsilə bomba göndərib. Mudi ömrünün 20 ilini ölüm hökmünə məhkum olunan məhbusların kamerasında keçirib. Həbs müddətində dəfələrlə ölüm hökmünün icrasının təxirə salınmasına cəhd etsə də, buna nail ola bilməyib.
pia.az