Dünən "Qızıl Qlobus" mükafatlarının təqdimatında maraqlı anlar yaşanıb
Axşam.az-ın xarici KİV-ə istinadən məlumatına görə, gecəyə aktrisa Meril Stripin ABŞ-ın yeni prezidenti Donald Trampı tənqid edən nitqi və aparıcı Cimmi Fallonun Tramp zarafatı damğa vurub.
67 yaşlı Meril Trampın adını çəkmədən bunları deyib:
"ABŞ-da hazırda ən çox təhqir olunan üç şey var: Hollivud, xaricilər və ya qaçqınlar, mətbuat. Bir aktyorun işi bizdən fərqli olan insanların həyatlarına girmək və onun hisslərini sizə bildirməkdir. Bu il çox güclü namizədlər var. Çox hissiyatlı oynadıqları üçün rolları ilə sanki xəncərlərini ürəyimə sancdılar... Amma real həyatda gördüyüm bir şey qəlbimi sındırdı və ağlımdan çıxara bilmədim. Çünki bu, bir film deyildi, gerçək idi... Ölkəmizdəki ən hörmətli kresloya oturmaq istəyən şəxs fiziki qüsurlu bir müxbiri lağa qoydu..."
C.Fallon isə Trampı "Taxt oyunları" serialında zalımlığı ilə seçilən Kral Cofri ilə müqayisə edib.
pia.az