Çərşənbə, 21 Aprel 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

62 nəfər 113 gün Kəlbəcərdə necə mühasirədə yaşadı? - Video

Ermənilərin Kəlbəcəri işğalı o qədər də asan olmayıb. Xüsusilə də rayonun bir kəndi - Başlıbel düşmənə sona qədər müqavimət göstərib. Bütün imkansızlıqlara baxmayaraq, kəndin 62 sakini düz 4 ay ermənilərə qarşı vuruşub. Həm də cəmi 2 ov tüfəngi və bir neçə avtomatla. Ancaq qüvvələrin qeyri-bərabərliyi öz sözünü deyib və bu kənd də işğal olunub. Erməni vandalizmi burda da özünü göstərib. Kənd sakinlərinə qarşı qırğınlar törədilib. Hadisənin şahidlərini danışdırmışıq. 

54 yaşlı Elşad Əzizov Kəlbəcər rayonunun Başlıbel kəndinin sakinidir. Söhbət o kənddən gedir ki, Kəlbəcər bütövlükdə işğal edildikdən sonrakı 113 gün ərzində erməniyə son ana qədər dirənib və bu kəndin 62 sakini ölümlə üz-üzə gəlib. 

Bu sakinlər düşmənə müqavimət göstərmək üçün mağaralara sığınıblar və cəmi 2 ov tüfəngi və bir neçə avtomatla düşmənlə döyüşüblər. Elşad Əzizov deyir ki, ermənilərdə insanlıq adına heç bir əlamət yox idi. Onlar insanları məhv etmək üçün hər şeyə əl atırdılar. Sanki Kəlbəcərdə gördükləri bütün canlıları özlərinə düşmən bilirdilər.

Müqavimətlə üzləşən düşmən kəndi yalnız iyul ayının əvvəllərində işğal edə bilib. Erməni quldurları qadın, uşaq demədən 27 nəfəri güllələyib, 19 nəfəri girov götürüblər. Mənfur düşmən İkinci dünya müharibəsi iştirakçısı Hüseyn Hüseynovu diri-diri yandırıb. Sağ qalanlar isə 4 gün ac-susuz yol gedərək Daşkəsən ərazisinə sığınıblar. Döyüşlərdə könüllü iştirak edən Məzahir Abbasquliyev deyir ki, düşmən gizləndikləri mağaranın ağzını bağladığına görə oradan çıxmaq çətinləşib. Bundan sonra Məzahir Abbasquliyev əsir düşməmək üçün canına qəsd etməyi belə gözə alıb. Amma həmin vaxt elə bir hadisə yaşanıb ki, o, fikrindən daşınıb.

Kəlbəcər rayonu və Başlıbel kəndi həm də torpaq sevgisinin nümunəsidir. 1991-ci ilin yanvarından etibarən bu rayon elektrik enerjisinin kəsilməsinə, get-gedə mühasirə ehtimalının artmasına baxmayaraq sakinlər evlərini tərk etməyiblər. Bu gün - 28 illik həsrətdən sonra Başlıbellilərin də üzü gülməyə başlayıb. Kəlbəcər torpağı yenidən doğmalarının nəfəsini hiss edir, ayaq səslərinə sevinir.

Başlıbel kənd sakini Elşad Əzizov vurğuladı ki, qalib ölkənin vətəndaşı kimi gəzmək onlara qürur verir. Onlar uzun illərdən sonra həmin yerlərə getməyi səbirsizliklə gözləyirlər.

pia.az


Etiket:


Digərxəbərlər

Populyar xəbərlər

Sülhməramlıların hərbi parad keçirməsi beynəlxalq qaydalara nə qədər uyğundur?..

Vilayət Eyvazov deputatın oğluna yeni vəzifə verdi

Ramiz Mehdiyevin işdən çıxardığı əməkdaş başqa vəzifəyə təyin olundu

Vilyam Hacıyevin ailəsi 124 manata kirayə yaşadığı yataqxanadan çıxarıldı - Foto

Azərbaycanın KTMT-yə üzvlüyü qaçılmaz bir məcburiyyətə çevrilə bilərmi? - Müsahibə

Rüşvətə görə həbs edilən icra başçısının əmlakına həbs qoyulub

"Kurtlar vadisi"nin "Güllü"sü Hərbi Qənimətlər Parkında - Foto

İlham Əliyev pambıq tarlasında səpin prosesini izlədi - Yenilənib, Fotolar

Müavinət, təqaüd və kompensasiyanın təyin olunması üçün müraciət qaydası dəyişir

Mehdiyev Ziya Məmmədovun qardaşını işdən çıxarıb? – Açıqlama

Ən çox oxunanalar