”Apple 1” kompüterinin prototipi “Charitybuzz” hərracında 815 min dollara satılıb
Lent.az-ın BBC-yə istiandən verdiyi məlumata görə, satılan modelin “Apple 1”in kütləvi istehsalı başlamazdan əvvəl hazırlandığı güman edilir. Yəni bu kompüter “Apple” korporasiyasının ilk kompüterlərindən biridir.
Hərracda 80-ə yaxın dam iştirak edib. Əldə olunan gəlirin 10 faizi Leykemiya və limfoma xəstələrinə yardım cəmiyyətinə köçürüləcək.
Hərracın qalibi olan Qlenn və Şennon Delimorlar bildiriblər ki, onlar gənc insanları ruhlandırmaq üçün kompüteri məktəblərdə və universitetlərdə nümayiş etdirmək niyyətindədirlər.
Qeyd edək ki, 2014-cü ildə “Apple 1”in işləyən, nadir nümunəsi hərracda 905 min dollara satılıb. “Apple”ın yaradıcıları Stiv Cobs və Stiv Voznyak 1976-cı ildə 200-ə yaxın “Apple 1” yığıblar. Həmin ilin iyulundan etibarən onlar kompüterləri 666 dollara satmağa başlayıblar. Kompüterlərdən 175-i satılıb. Hazırda dünyada 70-ə yaxın “Apple 1” modeli qalıb.
pia.az