18 nömrəli marşrut xəttinin hərəkət trayektoriyasına dəyişiklik edilib
Bakı Nəqliyyat Agentliyindən virtualaz.org-a verilən məlumata görə, dəyişikliyə əsasən, “Formula 1” Azərbaycan Qran-Prisi yarışlarından sonra 18 nömrəli marşrut xəttinin hazırda son dayanacağı olan Azərbaycan prospektindən Şəmsi Bədəlbəyli küçəsinədək (Qış parkı) uzadılması təmin ediləcək və marşrutda xidmət göstərən avtobusların sayı sərnişin axınına uyğun olaraq 23-dən 33-ə qədər artırılacaq.
Qeyd edək ki, 11.02.2017-ci il tarixində 7 nömrəli müntəzəm sərnişindaşıma marşrut xəttinin dayandırılması ilə bağlı Bakı Nəqliyyat Agentliyinə, o cümlədən 18 nömrəli marşrut xəttinin Azərbaycan prospektindən Şəmsi Bədəlbəyli küçəsinədək (Qış parkı) uzadılması ilə əlaqədar “141” Çağrı Mərkəzinə çoxsaylı müraciətlər daxil olmuşdu. Bakı Nəqliyyat Agentliyinin bununla bağlı apardığı monitorinq və təhlillər nəticəsində 18 nömrəli müntəzəm marşrutun hərəkət sxemində dəyişiklik edilməsi və əvvəllər fəaliyyət göstərmiş 7 nömrəli maşrutun hərəkət sxeminə uyğunlaşdırılması məqsədəuyğun hesab edilib.
Qeyd ədək ki, sərnişinlərin rahatlığının təmin edilməsini prioritet məqsəd olaraq qarşısına qoyan Bakı Nəqliyyat Agentliyi daxil olan şikayət və müraciətləri hər zaman diqqətdə saxlayır və ən önəmli məsələlərdən biri hesab edir.
pia.az
Digərxəbərlər
Populyar xəbərlər
