19-cu əsrdə yaşamış avstriyalı rəssam Ferdinand Georq Valdmüllerin 1860-cı ildə çəkdiyi "Gözlənilən" tablosunda iPhone aşkarlanıb
Milli.Az Motherboard-a istinadən bildirir ki, əsərdə əlində smartfona bənzəyən əşya tutmuş qadın əks olunub.
Almaniyanın Münhen şəhərindəki "Neue Pinakothek" müzeyində saxlanan əsərdəki bu paradoksu Şotlandiyanın Qlazqo şəhərinin sakini Piter Rassel sezib.
"Texnologiyaların əsərin qavranmasını dəyişərək konteksti dəyişməsi məni həmişə heyrətləndirib", - Rassel söyləyib.
Avstriyadakı art-agentliyin direktoru Heraod Vaynpolter isə deyib ki, əsərdəki qadın əlində smartfon yox, dua kitabçası tutub.
pia.az