“Həmin bağçalarla bağlı iradlar bildirilib”
Təhsil müəssisələrinin bufetlərində saqqız, cipsi, qazlaşdırılmış içkilər, ümumilikdə 32-dək məhsulun satışına qadağa qoyulub.
PİA.AZ AzNews.az-a istinadən xəbər verir ki, bu barədə Standartlaşdırma, Metrologiya və Patent üzrə Dövlət Komitəsinin mətbuat xidmətinin rəhbəri Fazil Talıblı məlumat verib.
O bildirib ki, ötən tədris ilində bununla bağlı çoxlu problemlər olsa da bu dərs ilində belə hallar aşkarlanmayıb. Komitə sözçüsü onu da qeyd edib ki, 2013-2014-cü ilin 9 ayı ərzində 17 bağçada ciddi nöqsanlar aşkarlanıb. Bu bağçalarla bağlı qərarlar qəbul olunub və müvafiq instansiyalara göndərilib:
“Bundan başqa 70 bağçada monitorinq aparılıb. Yoxlamalar zamanı hər bir bağçada irili-xırdalı nöqsanlar aşkarlanıb. Həmin bağçalarla bağlı iradlar bildirilib. Bağçalar artıq nöqsanları aradan qaldırıb. Tədris müəssisələri keçən ilki problemləri nəzərə alıb bu il həmin problemləri aradan qaldırıblar. Ötən il bu standartın tələbləri yeni tətbiq olunduğundan heç bir məktəb buna hazır deyildi. Amma bu gün 99% məktəblər təmir olunub, avadanlıqlarla təchiz olunub. Bu sahə ilə məşğul olan müvafiq şirkətlər yaranıb. Onlar da keyfiyyətli məhsullar təqdim edirlər. Təbii ki, demək olmaz ki, bu, 100% düzəlib. Hər hansı təhsil müəssisəsində oxuyan şagirddə hər hansı narahatlıq olarsa və o müəssisədə qazlı içkinin, çipsinin, kremli tortların satışı aşkar olunarsa, bizə müraciət etsinlər və biz həmin müəssisədə yoxlamalar aparaq”, - deyə Fazil Talıblı bildirib.
Xatırladaq ki, bir müddət əvvəl təhsil müəssisələrinin bufetlərində saqqız, cipsi, qazlaşdırılmış içkilər, ümumilikdə 32-dək məhsulun satışına qadağa qoyulub.
Qidalanma üzrə dövlət standartına əməl etməyən təhsil müəssisələrinin Standartlaşdırma, Metrologiya və Patent üzrə Dövlət Komitəsi (SMPDK) tərəfindən cəzalandırılacağı da deyilib.
Digərxəbərlər
Populyar xəbərlər
