Bakı Ağır Cinayətlər Məhkəməsində qəsdən adam öldürməyə cəhddə ittiham olunan 35 yaşlı Şirzad Əsədovun cinayət işi üzrə məhkəmə istintaqı yekunlaşıb
Prosesdə hökm oxunub. Hökmə əsasən, Ş.Əsədov 16 il müddətinə azadlıqdan məhrim olunub.
Qeyd edək ki, hadisə ötən il Şamaxı rayonunun Meyseri kəndində baş verib. Kənd sakini, 33 yaşlı Zöhrə Əlqəmbəyeva qeyri-rəsmi nikahda yaşadığı Ş.Əsədov tərəfindən döyülüb. Ağır dərəcəli bədən xəsarətləri alan qadın Şamaxı Rayon Mərkəzi Xəstəxanasına yerləşdirilib.
Ş.Əsədov əvvələr məhkum olunub. O, hadisədən 15 gün əvvəl Z.Əlqəmbəyevanı qaçırıb və onlar qeyri-rəsmi nikahda yaşayıblar. Hüquq-mühafizə orqanları əməkdaşları tərəfindən saxlanılan R.Məmmədovun barəsində Cinayət Məcəlləsinin 29, 120.2.4-cü (qəsdən adam öldürməyə cəhd, xüsusi amansızlıqla və ya ümumi təhlükəli üsulla adam öldürməyə cəhd) maddəsi ilə ittiham irəli sürülüb.
pia.az