Bazar ertəsi, 06 Aprel 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

"Siyavuş Novruzovun nə özünün, nə də dədəsinin pulu hesabına tikilməyib”- Qubad İbadoğlu

“Evlər məcburi köçkünlərə pulsuz verilməyib, şirinlik adı ilə rüşvət alınıb”...

Siyavuş Novruzov Milli Məclisdə ilk çıxışında deyib ki, "neft pullarının hesabına qurulan, yaradılan bütün məktəblər, bağçalar, məcburi köçkünlər üçün tikilən evlər xalq üçün edilir. İnsanlar zəlzələdən evi uçanda dövlət vətəndaşa ev tikir, yanğından evi yanan vətəndaşa dövlət ev verir. Başqa ölkələrdə belə addımlar atılmır. Dövlət insanlara DƏDƏSİ-BABASI TİKƏNDƏN DAHA YAXŞI ev verib". Bununla əlaqədar diqqətinizi bir neçə məqama çəkmək istərdim. Əvvala, hüquq doktorunun nəzərinə çatdırmaq istəyirəm ki, Konstitusiyanın 14-cü maddəsinə görə, təbii ehtiyatlar hər hansı fiziki və ya hüquqi şəxslərin hüquqlarına və mənafelərinə xələl gətirmədən Azərbaycan Respublikasına mənsubdur. Odur ki, məktəblər, bağçalar mənzilə ehtiyacı olan məcburi köçkün, qaçqın, şəhid ailələrinə tikilən evlər Siyavuş Novruzovun nə özünün, nə də dədəsinin pulu hesabına tikilməyib”.

PİA.az-ın xəbərinə görə, bunu iqtisadçı ekspert Qubad İbadoğlu deyib.

“Korrupsiya potensialı yüksək olan belə tikinti layihələri təbii ehtiyatlar hesabına formalaşan Neft Fondundan maliyyələşib. Məlumat üçün qeyd edim ki, indiyə qədər qaçqın və məcburi köçkünlərin sosial-məişət vəziyyətinin yaxşılaşdırılması və məskunlaşdırılması üçün Dövlət Neft Fondundan 2,5 milyard manatdan çox vəsait ayrılıb.

İkincisi, nə məcburi köçkünlər, nə də qaçqınlar dədə-baba yurdlarında daxmalarda yaşamayıb, əksəriyyətinin işğal olunmuş ərazilərdə qalan evləri ilə müqayisədə indi dövlətin verdiyi daxmaya oxşayır. Onların bir hissəsi hələ də yaşayış şəraiti olmayan yataqxanalarda yaşayır. Halbuki, onlar da imarətlərini qoyub gəliblər.

Üçüncüsü, məcburi köçkünlər, qaçqınlara ev lazım deyil, torpaq lazımdır. Odur ki, Qarabağ işğaldan azad olunsun, onların böyük əksəriyyəti torpaqlarına qayıdacaq. İllərlə çadırlarda, vaqonlarda yaşayanların bir neçə ildir ki, ilan mələyən dərələrdə, mazut iyi verən gölmələrin yaxınlığında aldığı mənzillər də özlərinə qalar. Ona görə aldığı yazıram ki, həmin evlərə də məcburi köçkünlərə pulsuz verilməyib, böyük əskəriyyətindən şirinlik adı ilə rüşvət alınıb, eyni zamanda bu mənzillərin heç birinin mülkiyyət aktı da yoxdur.

Dördüncüsü, canını ölkənin ərazi bütövlüyü uğrunda qurban verən, şikəst olan şəhid ailələri və Qarabağ əlillərinə ev vermək hər bir dövlətin borcudur. Onların da hamısı hələ də evlə təmin olunmayıb. Rayon (şəhər) icra hakimiyyətlərində mənzil növbəsinə dayanan minlərlə Qarabağ əlilləri və şəhid ailələri hələ də növbə gözləyir.

Beçincisi, əmlak sığorta sistemi mövcud olsaydı zəlzələdən evi uçana, yanğından evi yanan vətəndaşa dövlət deyil, sığorta şirkətləri təzminat verməlidir.

Yekun olaraq onu qeyd edim ki, neft pullarını oğurlayın özlərinə imarətlər, saraylar, villalar tikənlər, xaricə kapital qaçırıb, biznes quranların da hesabat verməli vaxtı gələcək.

Nəhayət, heç kəsin, özü də dövlətin resursları hesabına təmin olunan deputatın vətəndaşa minnət qoymağa və onu dövlətdən haqq edib aldığına görə aşağılamağa hüququ yoxdur. Odur ki, tələb edirəm ki, Milli Məclisin son iclasında Regional məsələlər komitəsinin sədri vəzifəsinə yenicə təyinat almış Siyavuş Novruzov ilk çıxışında dövlətin sosial proqramlar çərçivəsində ev verdiyi məcburi köçkün, qaçqınlar, şəhid ailərlərinin, Qarabağ müharibəsi əlillərinin, zəlzələdən və yanğından evləri dağılanların hissiyatına toxunan, onları aşağılayan çıxışına görə üzr istəməlidir” – Q.İbadoğlu qeyd edib. (Pravda.az)

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627



Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Cəlilabad xəstəxanasında tibbi vasitələrin yetməzliyindən tibb işçiləri koronavirusa yoluxub - Foto

"Əli Həsənov və Vüqar Səfərli məsuliyyətə cəlb edilməlidir” - Jurnalist

Sabiq deputat Hadı Rəcəblinin kölgədə qalan daha 5 şirkəti üzə çıxdı - Foto

Koronavirusu ilk dəfə aşkarlayan həkim olanları yazdı və yoxa çıxdı

Küçəyə çıxmaq üçün göndərilən SMS-ə belə cavab gəlir - Foto

Mütəxəssislər koronavirusun zəif nöqtəsini tapdı...

Koronavirusla bağlı xoş xəbər: Yoluxmanı azaltmaq mümkün olacaq - Yenilik

Vəliəhd şahzadə Putinin sözlərindən incidi, danışıqlar təxirə düşdü

"Relax" istirahət mərkəzində karantində olan iki tələbə bacının məktubu hər kəsi kövrəldib - Foto

Azərbaycanda koronavirusa yoluxan iki şəxs vəfat edib - Qərargah

Son zamanlar Qazaxda erməni təxribatının intensivləşməsi nəylə əlaqəlidir?

Çində koronavirusun ikinci dalğası başladı – Karantin

loading...

Ən çox oxunanalar