"Qəbələ" Türkiyədə ilk matçına çıxır, paytaxt klubları üz-üzə gəlir

Türkiyənin Antalya bölgəsində təlim-məşq toplanışında olan "Qəbələ" bu gün ilk yoxlama oyununu keçirəcək.

"Report"un məlumatına görə, Elmar Baxşıyevin baş məşqçi olduğu komanda Polşa "Zaqlembe"si ilə üz-üzə gələcək.

Qarşılaşma Bakı vaxtı ilə saat 16:00-da start götürəcək.

Bakıda hazırlıqlarını davam etdirən "Səbail" və "Keşlə" komandaları isə "Dalğa Arena"da üz-üzə gələcək. Həmin matç da saat 16:00-da başlayacaq.

Qeyd edək ki, "Qəbələ" yanvarın 21-də "Borets" (Şimali Makedoniya), yanvarın 24-də "Bohemians" (Çexiya) ilə üz-üzə gələcək.

pia.az