"Rəqib bizi təəccübləndirmədi".
Bunu Polşa "Lex"inin kapitanı Mikael İshak evdə "Qarabağ"a 1:0 hesabı ilə qalib gəldikləri UEFA Çempionlar Liqasının I təsnifat mərhələsinin ilk oyunu barədə klubun rəsmi saytına açıqlamasında deyib.
Görüşdə yeganə qolun müəllifi olan 29 yaşlı hücumçu "köhlən atlar"ın yaxşı komanda olduğunu söyləyib: "Onların avrokuboklarda böyük təcrübələri var. Rəqibə topla oynamağa imkan verdik. Amma biz bu nəticəyə sevinirik".
İsveçli forvard matç üçün yaxşı planlarının olduğunu sözlərinə əlavə edib: "Qələbənin mükəmməl yolunu tapdığımızı hiss etdik. Sonadək mübarizə apardıq. Bu da nəticəyə gətirib çıxardı".
Qeyd edək ki, komandalar arasında cavab matçı iyulun 12-də Bakıda olacaq.
pia.az
Digərxəbərlər
Populyar xəbərlər
