Ədalət bərpa olmalıdır!...
Politoloq Zaur Məmmədli şəxsi facebook səhifəsində Azərbaycanın yaxın tarixində baş vermiş, ölkəmizə qarşı törədilmiş soyqırım barədə paylaşım edib.
PİA.az həmin yazını olduğu kimi təqdim edir
Hələ 1905-1906-cı illərdə “Daşnaqsütyun” partiyasının liderləri “erməni məsələsi”ni həll etmək, “Böyük Ermənistan” xülyasını reallaşdırmaq üçün bütün yerli təşkilatlara göstəriş göndərərək tələb etmişdi ki, İrəvan, Gəncə və Qarabağ mahallarında olan bütün türk kəndlərini viran qoysunlar, bu kəndləri yerli əhalidən, yəni azərbaycanlılardan birdəfəlik təmizləsinlər. 1905, 1918, 1992-ci ildə baş vermiş soyqırımlarda azərbaycanlılar silahlı və hərtərəfli hazırlıqlı “dığalar” qarşısında adətən silahsız və qırğın qarşısında gücsüz idilər.
Azərbaycan kəndlərinin dağıdılması təbii ki, şimaldan gələn aktiv dəstək nəticəsində həyata keçirilirdi: “Rus məmurları da milli ədavəti qızışdırmaqla bir tərəfdən canlanmaqda olan azadlıq hərəkatının boğulmasına, digər tərəfdən də boşaldılmış müsəlman kəndlərində xristianların məskunlaşmasına imkan yaradırdılar.
İstər Rusiya, istərsə də Vatikan, İngiltərə, Fransa, ABŞ və digər Qərb ölkələri tez-tez erməni kartından müsəlman və türk əhaliyə qarşı istifadə edirdilər. Məqsəd bəllidir, bölgədə vassal dövləti yaratmaq istəyirdilər.
XXI əsrdə Azərbaycan xalqı bütün bu hadisələrdən dərs alıb. Artıq biz ayıq olmalıyıq. Biz başa düşməliyik ki, ermənilər kimliyindən asılı olmayaraq bundan sonra da azərbaycanlılara qarşı bu siyasətlərini davam etdirəcəklər. Ona görə də bütün platformalardan istifadə etməklə tarixi ədalətin bərpası istiqamətində işlər aparmalıyıq.
pia.az
Digərxəbərlər
Populyar xəbərlər
